Vassbakken Kro og Camping vert driven av Tordis Hauge. Plassen ligg ved RV 55 om lag midt mellom bygdesentra Skjolden og Fortun. Vassbakken Kro og Camping har 13 hytter av høg standard og med ulik storleik. Det er plass til om lag 50 telt eller vogner. Plassen er velutstyrt med leikeapparat, sanitæranlegg av høg standard. Kroa har kiosk med godt vareutval og serverar mellom anna tradisjonsrik mat. Øl- og vinrett.
Vassbakken ligg på den flate og grøderike dalbotnen og har fått namnet etter det nærliggjande Eidsvatnet. Like ved kastar Vassbakkfossen utover fjellet og er eit spektakulært syn, særleg i snøsmeltingsperioden. Frå dalbotnen stig dei bratte fjella opp og grensar i nord til Jotunheimen med Hurrungane. Turtagrøområdet som kanskje er det mest kjende klatreområde i Norge kan nåast med bil på under 20 minuttar. Vassbakken Kro og Camping kan nyttast som base for dagsturar mellom anna til Jotunheimen, Sognefjorden og Jostedalsbreen.
I kommunen er også fleire interessante kulturminne med Urnes stavkyrkje som det mest kjende. Bygdesentra Skjolden og Fortun har butikk med post. På Skjolden ligg fleirbrukshuset Fjordstova med mellom anna innandørs sømjebasseng og klatrevegg.