Skjolden Næringspark, Luster, Sognefjord, Norge

Skjolden Næringspark er ei verksemd under stifting.  Skjolden har pr i dag svært få verksemder, og så godt som ingen ledige kontorplassar. Det er såleis naudsynt med eit utviklingsprosjekt for å skape grunnlag for ein næringspark i Skjolden.  Når prosjektet skal realiserast kan det vera aktuelt med eit tilbygg til Fjordstova.

Finansieringa av utviklingsprosjektet er no på plass.

Midlane skal nyttast til Prosjektutvikling, arkitektarbeid og ekstern innleige. Sistnemnde gjeld oppretting av heimeside, annonser og anna innkjøp m.m.

Organisering:
Ettersom Skjolden Næringspark er under stifting, har verksemda eit interimstyre som består av:

Einar Birger Nyhus, leiar     Tlf: 91594955  Mail: Denne e-postadressa er verna mot program som samlar e-postadresser. Du må aktivere JavaScript for å kunne sjå adressa

Arne Hauge, nestleiar    Tlf: 97655147  Mail: Denne e-postadressa er verna mot program som samlar e-postadresser. Du må aktivere JavaScript for å kunne sjå adressa

Einar Galde, styremedlem Tlf 57682380    Mail: Denne e-postadressa er verna mot program som samlar e-postadresser. Du må aktivere JavaScript for å kunne sjå adressa

Norvald Hovland  prosjektleiar.Tlf:97030825  Mail: Denne e-postadressa er verna mot program som samlar e-postadresser. Du må aktivere JavaScript for å kunne sjå adressa

Prosjektutvikling og framdrift
Prosjektutviklinga er planlagt å føra fram til søknad om byggfinansiering. Prosjektarbeidet kan pågå til byrjinga av 2011.  Innan den tid, men helst før, må det vera på plass intensjonsavtalar om leige av kontorplassar med så mange små og mellomstore verksemder og nyetableringar at det er forsvarleg å sende søknad om finansiering av bygg.

Dersom det kan skaffast t.d. 20 stk kontor i eit nybygg, er det ideelt å skaffe intensjonsavtalar med minst 8 verksemder som skal leiga kvar sitt kontor. Når dette er på plass, kan ein søkja om finansiering av nytt kontorbygg.

Prosjektarbeidet inkl. søknad om byggfinansiering bør vera avslutta og bygging starta seinast våren 2011. Prosjektutviklinga held fram under bygginga, og fleire avtalar om å leige kontor kan verta oppretta innan bygget står ferdig.

For å halda ein slik framdriftsplan, har me alt no sett i gang arkitekten for å planleggja eit forprosjekt med kostnadsoverslag for tilbygg til Fjordstova alt 1. Dette alternativ innebær ei forlenging av heile bygget med 10 m i retning Mørkridselva.  Dette vil gje eit kontorareal på minst 350 m2 i fyrste etasje og tilsvarande lager-plass i underetasje.  Samfunnssalen vil og bli forlenga. Når det ligg føre utkast til planløysing av fyrste etasje i tilbygget i midten av februar, vil me vurdera å leggja planløysinga inn på heimesida vår.

Arkitekten skal og utarbeida reguleringsendring av uteareal med justering av elvekant slik at ein kan få att uteareal tilsvarande det som vert bygd ned.  Dette nye arealet kan fyllast opp med sand henta frå elveosen, slik det har vore gjort tidlegare.  Ein må søkja om godkjenning frå NVE for dette tiltaket, men dette kan gjerast når bygginga er i gang.

Drifta av næringsparken
Når bygginga er i gang  må det søkjast om driftsfinansiering gjennom Siva, kommunen og fylkeskommunen. Dette er ei finansiering som er vanleg for alle næringshagar som er tilslutta Siva.(Statens industrivekstanlegg). Finansieringa  skal dekka kostnaden med dagleg leiar, kostnader med vidare utvikling av næringsparken og betaling av leige av dei kontora i tilbygget som ikkje har fått leigetakarar.  Ny-etablerarar får gjerne ”låna” eit kontor i startfasen, slik at etableringa går lettare. Driftstilskotet må dekka slike kostnader og.

Ei slik driftsfinansiering, føreset at ein har mange ledige kontor å tilby nye deltakarar. Berre på den måten kan ein få til innovasjon og nyskaping.  Planen om minst 20 nye kontor i tilbygget er såleis ikkje overdimensjonert.