Attraksjonane i Skjolden området er mange og nedanfor finn du ei oversikt over nokre av dei største og mest kjende av dei.
Wittgenstein
Ludwig Josef Johann Wittgenstein (26.4.1889 - 29.4.1951) er rekna for å vere 1900-talet største filosof, og budde i Skjolden området mykje av si levetid.
Her skreiv han sine kjende verk som Tractatus logico-philosophicus og Filosofiske undersøkingar. Buplassen hans (på ei berghylle ved Eidsvatnet) vart kalla Austerrike av bygdafolk, ettersom han kom frå Austerrike.
Hytta vart desverre seinare reven, men det er no reist ei flaggstong på tufta, som er godt synleg frå ein parkeringsplass ved langs riksvegen ved Eidsvatnet.
Les meir om attraksjonen her >> |
Skåri og Fuglesteg
I Luster finns det mange fjellgardar, men nokre av dei skil seg litt ut frå andre. Dei to som me vil beskrive her har to ting til felles, - dei har begge stovehus og fjøs bygd i stein og begge er nyrestaurerert til mest mogeleg orginal stand. Dei ligg òg berre ca 2-3 kilometer frå Skjolden sentrum.
Den eine garden heiter Skåri og ligg i Mørkridsdalen, og den andre heiter Fuglesteg og ligg i nabodalføret Fortunsdalen.
Les meir om attraksjonane her >> |
N. H. Lerums Saftfabrikk på Sørheim
Bær og fruktdyrking har lange tradisjonar i Skjolden området, og Luster kommune er idag den største bærkommunen i landet. Det var i 1900 landhandlaren Hallvard Drægni starta med saft og syltetøyfabrikk i Skjolden og landhandlaren Nils H. Lerum starta på Sørheim (ca 10 km unna) i 1907. N. H. Lerums Saftfabrikk utvikla seg vidare til landets største saft og syltetøysprodusent og går framleis under namnet Lerum.
Les meir om attraksjonen her >> |
Fossefall
Opplev den majestetiske Feigumfossen med sitt 218 meter høge vassfall ved Lusterfjorden. Kjenn det forfriskande vassdrivet av den flotte Drivandefossen i Mørkridsdalen (på veg opp mot Åsetevatnet), eller slå leir ved den romantiske Bølifossen i same dalføret.
Les meir om attraksjonane her >> |
Munthehuset
Den staselige bygningen som er kalla Munthehuset, finn du i Ytre Kroken på sørsida av Lustrafjorden. Bygningen er i dei seinare åra nyrestaurert til orginal stand både inn og utvendig og har funksjon som selskapslokale, overnattingsplass og omvising. Byggingen av Muntehuset starta i 1790 etter at kapteinen og kartografen Gerhard Munthe overtok garden i Ytre Kroken i 1764, og fekk etter det ei sentral rolle i norsk kunst og kulturliv.
Les meir om attraksjonen her>> |
Urnes Stavkyrkje
Luster kommune si største stoltheit er nok Urnes Stavkyrkje, som blei bygd på 1130-talet. Dette er Noregs eldste stavkyrkje og vart teken med på Unesco si verdsarvliste i 1979, noko som gjer denne kyrkje til ei av verdas største kulturskattar saman med bl.a. pyramidane i Egypt. Kyrkja ligg øverst i bygda Urnes ca. 25 km frå Skjolden på sørsida av Lustrafjorden.
Les meir om attraksjonen her >> |
Dale kyrkje
Dale kyrkje finn du i Luster ca 10 km frå Skjolden - i retning Sogndal. Steinkyrkja blei bygd i 1240, og er ei av dei best bevarte middelalderkyrkjene våre i Noreg. Med fyrste augnekast kan den virke grå og kjedeleg, men idet du går inn kyrkjedøra skjønar du fort at denne kyrkja er spesiell og er verdt eit besøk.
Les meir om attraksjonen her >> |
Marås Hjort
Mørkridsdalen sin nye attraksjon ca 5 km frå Skjolden.
Opplev hjortar på nært hald i hjortenes dal og ver med å gje dei mat frå handa.
Les meir om attraksjonen her >> |
|
|
Last Updated ( sundag , 22 april 2007 )
|
